الوهاب
اي حد بيحب حد بيحب يجيبله هديه مش كده؟ و لما حد بيجيبلك هديه بتفرح قوي صح! تخيل الهديه دي من الله الوهاب
بس علي فكره دايما اللي بيجيبلك هديه اما بيبقي عايز مقابل او بيبقي منتظر رد فعل معنوي لكن الله عز و جل يهبك بلا مقابل
هاه ايه اخر هديه؟؟مش فاكر تبقي مشكلة و لو بتاخد الهدايا و مبتشكرش ربنا و تحمده و بعد كده تنسي هداياه تبقي وحش قوي دانت لما حد بيجيبلك هديه ساعه مثلا بتلبسها لما تروحله و تقعد توريله انك لابسها _ولله المثل الاعلي طبعا_
طيب ايه الفرق بين الوهاب و الرزاق؟ الرزاق يعني بيديك حاجه ثابته مثلا زي المرتب كل شهر علي عمل عملته قبل كده
لكن الوهاب يعني تلاقي هديه مكنتش متوقعها سواء مال او اي حاجه تانيه و بعد ما بتاخد الهديه بينظر منك الحمد و استخدام الهديه دي في حاجه ترضيه ...هاه ايه اخر هديه برضه مش فاكر!! طيب تعالي اقولك علي هداياه
اولادك هديه ومبيحسهاش قوي الا اللي اتحرم من النعمه دي ,,ايه كمان مراتك نعمه و فكر قد ايه كان نفسك تبقي مراتك
و بالمناسبه كل الايات اللي ذكر فيها الاولاد ذكر فيها اسم الوهاب * فهب لي من لدنك وليايرثني ويرث من ال يعقوب و اجعله رب رضيا*,,,*يهب لمن يشاء اناثا و يهب لمن يشاء الذكور*و ايات كتير
و كلمة الوهاب جت من كلنه الموهبه يعني اللي بيكتب شعر صوته حلو دي هبات من الله لكن لازم تستخدمها صح
اقعد كده مع نفسك وعد الهدايا و شوف شكرته واللا لأ و اسنخدمت النعم دي صح والل لأ؟؟؟
دلوقت حنتكلم علي هديه عظيمه و هبها الله لعباده و هي ليلة القدر...
بس تعالو الأول نشوف حاجه وهيه ان الله عز و جل يصطفي .اصطفي من المخلوقات الانسان ليكون خليفته,و اصطفي من الناس الانبياء,, و اصطفي من الانبياء اولو العزم من الرسل و اصطفي من الرسل محمد صلي الله عليه و سلم ليكون خاتم الانبياء ..,و اصطفي من الايام يوم الجمعه و من الشهور شهر رمضان ومن الليالي اصطفي ليلة القدر.
بسم اله الرحمن الرحيم
*انا انزلناه في ليلة القدر و ما ادراك ما ليلة القدر ليلة القدر خير من الف شهر تنزل الملائكه و الروح فيها بأذن ربهم من كل امر سلام هي حتي مطلع الفجر*صدق الله العظيم
ليه الليله دي عظيمه كده لأن القرأن الكريم تنزل علي محمد في هذه الليلة.
ايه فضل هذه الليله؟؟عبادة الليلة دي احسن من عبادة الف شهر يعني 84 سنة عبادة ,و ايه كمان؟؟*من قام ليلة القدر ايمانا و احتسابا غفر له ما تقدم من ذنبه*حاجه كمان ,هيه ليه سميت ليلة القدر؟؟لما لها من قدر عظيم و منزلة لكن القدر ليها معني تاني اسمع الاية*انا انزلناه في ليلة مباركة انا كنا منذرين,فيها يفرق كل امر حكيم *يعني الاقدار تمتب في هذه الليلة حتي باقي العام .,الارزاق و الاعمار.كمان الدعوه في هذه الليله لاترد.
يعني ايه(تنزل) يعني تنزل بغزارة حشود من الملائكة تنزل الي الارض و علي رأسهم الروح الامين جبريل عليه السلام و شوف ربنا كرمه ازاي!! ازاي بعد كده تنام و متحييش الليلة دي او حتي تنشن علي يوم معين؟؟؟
ميعاد الليلة امتي؟من بعد صلاة المغرب حتي صلاة الفجر.و شوف كلمة سلام توحي بالرحمه و الطمأنينة المتنزلة .
كان رسول الله صلي الله عليه و سلم اذا دخل العشر الاواخر احيا الليل و شد المئزرو ايقظ اهله.
يعني همه عشر ايام بس صحيح ممكن تتعب فيهم شوية لكن انظر الي الثواب
و لاتنسي ان تدعي و تقول *اللهم انك عفو تحب العفو فاعفو عنا*
و ادعو الله ان يبلغنا و يبلغكم هذه الليلة العظيمة ان شاء الله.
